Futbollisti i njohur, Adil Rami, iu është përgjigjur akuzave të ish-të dashurës Pamela Anderson, e cila e quajti një “mostër” dhe u shpreh se “jetonte një jetë të dyfishtë gjatë marrëdhënies së tyre 2-vjeçare”.
Lojtari i Marsejës ka reaguar nëpërmjet një postimi në profilin e tij në “Instagram”, ku pretendon se në asnjë moment nuk ka pasur një jetë të dyfishtë. Ai shprehet se po mban marrëdhënie me fëmijët e tij dhe nënën e tyre, Sidonie Biemont.
Gjithashtu Adil shton se e respekton 51-vjeçaren dhe se dashuria e tij ndaj saj ka qenë gjithmonë e sinqertë.
“Një ndarje nuk është asnjëherë e lehtë, ku shpesh në këto situata, emocionet të marrin përsipër dhe të lejojnë që të shprehin veten. Pamela është një person që e respektoj shumë dhe për të cilën dashuria ime ka qenë gjithmonë e sinqertë. Kjo është ajo që dua të kujtoj. Nuk mendoj që ne duhet të zbulojmë intimitetin tonë, historinë tonë, e cila vetëm na shikon”, shkruan futbollisti.
“Në këtë pikë, megjithatë, unë dua të hedh dritë. Në asnjë rast nuk kam një jetë të dyfishtë, unë jam bashkuar thjesht për të ruajtur një marrëdhënie të qëndrueshme me fëmijët e mi dhe me nënën e tyre Sidoni, për të cilët kam respekt të thellë.
Duhet të kisha qenë më transparent në këtë marrëdhënie të paqartë. Qëndroj dhe do të mbetem besnik ndaj vlerave dhe bindjeve të mia dhe të shpreh veten në angazhimin tim për shoqatën @solidaritefemmes, e cila është gjithmonë kaq e fortë .
Jam krenar që kam marrë pjesë në këtë fushatë të madhe dhe të bukur që e ka bërë të njohur punën e jashtëzakonshme të kësaj shoqate dhe anëtarëve të saj.
Dua pajtimin dhe lirinë për familjet dhe miqtë tanë, edhe nëse jam i dhimbshëm dhe i lënduar. Shpresoj ta kuptoni dhe respektoni atë”, ka shkruar Rami krahas fotos ku shfaqet me Pamela Anderson.
NDIQE LIVE "PANORAMA TV" © Panoramaplus.al