Një 25-vjeçare, e cila punon ën një supermarket dhe studion njëkohësisht për t’u bërë një farmaciste, rrëfen se i dashuri i saj nuk pranon të jetojë me të derisa të gjejë një punë të mirë, por vazhdon të paguajë jetën luksoze të ish të dashurës së tij, shkruan “Dear Deidre”, rubrika e “The Sun”.
“I dashuri im vazhdon të paguajë për ish të dashurën e tij që bën një jetë luksoze, por nuk do të shpërngulet për të jetuar me mua derisa të bëj një karrierë.
Ne kemi qenë së bashku për katër vjet pasi jemi takuar përmes miqve të përbashkët. Ai është 26 dhe unë 25 vjeç.
Kur filluam të dilnim, ai ishte akoma me ish-in e tij. Ai tha se romanca kishte marrë fund shumë kohë më parë, por ata kishin qëndruar së bashku për vajzën e tyre, e cila tani është katër vjeç.
Ata blenë një shtëpi së bashku kur ajo mbeti shtatzënë, kështu që përfundimi i gjërave ishte i komplikuar.
Por pasi kaluam katër muaj bashkë, ai i tha asaj se kishte takuar dikë tjetër. Ishte një ndarje miqësore, ku të dy pajtoheshin se gjëja më e mirë për vajzën e tyre ishte që ata të ishin të lumtur.
Ai vazhdoi të jetonte në shtëpi, për shkak të hipotekës. Ajo që ai nuk më tha ishte se ish-i i tij nuk punonte, dhe akoma nuk punon. Do të thotë që ai duhet të paguajë për gjithçka, përfshirë exstensions për flokët, thonjtë me xhel dhe jetën e natës që bënte para pandemisë.
Unë e kam përmendur disa herë që kjo nuk është normale, por ai më mbyll gojën.
Ai thotë se janë paratë e tij dhe mund t’i shpenzojë siç i pëlqen.
Por kur bëhet fjalë për mua, gjithçka duhet të ndahet në mënyrë të barabartë.
Unë jam duke punuar në një supermarket ndërsa studioj për t’u bërë një farmaciste. Unë bëj shumë më pak para se ai dhe ndonjëherë luftoj për të paguar faturat e mia. Disa herë më është dashur të marr hua 100 paund për të paguar qiranë.
Ai më akuzon se jam tmerrësisht keq me paratë, duke thënë se kam nevojë të rritem.
Muajin e kaluar, kur i thash të jetojmë së bashku, ai përmendi përsëri huatë. Ai tha se nuk do t’i ndërmerrte ato hapa të tjerë derisa të kisha një karrierë, në vend të një ‘pune të paguar keq dhe pa të ardhme’.
Unë i urrej këto kushte për të ardhmen tonë. A është koha për të lëvizur përpara pa të?”
“Dear Deidre”, pasi lexoi këtë ghistori, u përgjigj:
“Fakti që ai vazhdon të paguajë për ish të dashurën e tij, tregon se mund të jetë duke u përpjekur për të ruajtur paqen me të për hir të vajzës së tij.
Ai mund të këmbëngulë që ju nuk mund të jetoni së bashku derisa të fitoni më shumë, sepse ai është në panik nëse do mund t’ju mbështesë të dyja palët.
Cilado qoftë arsyeja, duhet ta pyesni se si e sheh të ardhmen me ju. A synon të paguajë gjithmonë për stilin e jetës së ish-it të tij, apo është i gatshëm ta zvogëlojë atë?
Ai ka të drejtë, janë paratë e tij. Por ai ka nevojë të marrë parasysh mendimet tuaja në të gjitha këto situata nëse dëshiron një të ardhme me ju”.
NDIQE LIVE "PANORAMA TV" © Panoramaplus.al