Këngëtarja Bebe Rexha ka arritur sukses të jashtëzakonshëm në tregun botëror.
Ajo është ndër artistet më të pëlqyer, por kur ishte adoleshente nuk e kishte menduar se do ishte kaq e famshme.
Gjatë një bashkëbisedimi me veten në TikTok, këngëtarja u kthye pas në kohë duke treguar pyetjet që i bënte vetes në moshën 17-vjeçare.
Bebe Rexha u shpreh se mendonte që në moshën 30-vjeçare do ishte e martuar.
“Unë e di që kam menduar se tani do të isha martuar. Por gjeta dikë që më do. Edhe unë e dua atë”, u shpreh ajo.
Këngëtarja me famë botërore po shijon prej disa muajsh lidhjen e dashurisë me regjisorin Keyan Safyari. Kjo është lidhja e parë publike e yllit të popit, e cila është treguar mjaft diskrete për sa i përket jetës private.