“Më la vetëm në restorant dhe shkoi të bënte seks me…”/ 55-vjeçarja tregon e dëshpëruar se si dështoi edhe martesa e saj e dytë

Mund të ekzistojnë arsye të ndryshme pse njëri partner zgjedh të falë tradhtinë e partnerit tjetër. Por për një 55-vjeçare tradhtia e bashkëshortit ka arritur aty ku s’mban më.

Teksa ishin me pushime në Spanjë, partneri e tradhtoi atë me një eskortë. Ja rrëfimi i plotë i saj për rubrikën “Dear Deidre” të “The Sun”:

“Burri im u largua nga restoranti ku ishim me pushime për t’u takuar me një grua që e pagoi për të bërë seks. Ai ka tradhtuar dhe flirtuar me gra të tjera gjatë martesës sonë tetëvjeçare, por tradhtia e tij e fundit e çon fyerjen në një nivel tjetër.

Ai është 58 vjeç dhe unë jam 55 vjeç, dhe kjo është martesa e dytë për secilin prej nesh. Një natë ishim duke ngrënë, kur befas më tha se kishte dhimbje në stomak dhe se i duhej të shkonte në dhomën e hotelit ku po qëndronim gjatë pushimeve në Spanjë.

Kur po largohej, më tha të mos nxitoja pas tij. U ndjeva si një idiote e vërtetë e ulur vetëm, por ishte një mbrëmje kaq e bukur, prandaj vendosa të bëja një shëtitje. Kur u ktheva në shtëpi ai ishte në shtrat, duke lexuar.

Por kuptova gjithçka të nesërmen kur kartëvizita e një eskorteje ra nga portofoli i tij. U përpoq ta mohonte në fillim, por e dija që po gënjente. Nuk është hera e parë që jam poshtëruar.

Kam dëgjuar burra të tjerë që i bërtisnin në telefon më parë dhe mendoj se janë burrat e grave me të cilat më ka tradhtuar. Nuk ka më dashuri fizike mes nesh. Duket se flasim me njëri-tjetrin vetëm kur ai më pyet se çfarë ka për darkë.

Ndihem sikur jam më shumë si një shtëpiake sesa gruaja e tij. Nuk mund të vazhdoj kështu.”

“Dear Deidre” thotë:

“Nuk keni arsye pse të vazhdoni kështu. Ju i keni dhënë burrit tuaj kaq shumë shanse, por ai gjithmonë ju zhgënjen.

Edhe pse burri juaj është plotësisht përgjegjës për zgjedhjet që bën, sa herë që ju i pranoni tradhtitë e tij, e bëni të besojë se ajo që bën nuk është një problem.

Është shumë e vështirë të rindërtosh besimin e thyer. Thuaji burrit që keni nevojë për një rishikim rrënjësor të jetës dhe marrëdhënies tuaj së bashku. Atij duhet t’i vijë keq 100 për qind. Por insistoni gjithashtu që të shkoni tek një terapist për çiftet në mënyrë që të merrni disa këshilla se si të shpëtoni marrëdhënien tuaj.”