Një nga këngëtarët me zë dhe repertor interesant, arriti të bëhet një nga reperët më të famshëm në vend. Bëhet fjalë për Majkun, i cili ka kohë që më shumë se për karrierën e tij, është përfolur për shkak të jetës së tij private. Ka disa muaj që reperi i famshëm flitet për një lidhje të mundshme me modelen nga Prishtina, Melita Nushi, por që deri më tani ai vazhdimisht e ka mohuar një gjë të tillë. Përveç lidhjes, është përfolur se Melita është edhe shtatzënë.
I pyetur nga gazetarët, Majku përsëri ka mohuar të gjitha këto lajme, madje ai edhe është nervozuar duke thënë, të mos përzihemi në jetën e tij personale. “Po çfarë të vërteta,edhe nuk ju intereson as juve, as askujt”, është shprehur ai. Majk ka qenë në qendër të mediave, sepse ai u bë baba i një djali të lindur nga një lidhje jashtëmartesore me Majlinda Zekën. Ndërkohë, reperi ka mohuar romancën e re me bukuroshen tjetër prishtinase Melita Nushi. Telegrafi ka arritur të sigurojë disa imazhe fotografike, teksa çifti shihet në Aeroportin Ndërkombëtar të Prishtinës, “Adem Jashari”. Destinacioni i tyre më- sohet se ka qenë qyteza e Welsit të Linzit të Austrisë.
