26 Nëntor, 2020

Ky shtet bëhet vendi i parë në botë që ofron produktet menstruale falas për vajzat dhe gratë

Skocia është bërë vendi i parë në botë që ofron falas produktet menstruale, duke miratuar ligjin, pas një fushate katër-vjeçare, që ka zhvendosur diskursin publik rreth menstruacioneve.

skocia produktet menstruale (1)

Akti normativ u miratua unanimisht në fazën finale të martën mbrëma dhe u dha të gjithë autoriteteve vendore detyrën e shpërndarjes dhe të furnizimit me produkte menstruale të çdo gruaje që do ketë nevojë për to, raporton “The Guardian”.

Fushata, e mbështetur në të gjithë vendin, u drejtua nga zëdhënësja shëndetësore e Laboratorit Skocez, Monica Lennon, e cila tha se kjo ishte “një ditë krenare për Skocinë”.

Kjo do të sjellë një ndryshim masiv në jetën e grave dhe vajzave që kanë menstruacione. Tashmë ka pasur një progres të madh në nivel komunitar dhe vendor për t’i dhënë një mundësi dinjitetit femëror. Ka ndryshuar mënyra se si periodat shihen apo qasen”- tha ajo.

Legjislacioni gjithashtu do të përmbajë në ligj kërkesën për shkollat, kolegjet dhe universitetet që të sigurojnë produkte falas.

Qeveria skoceze ka financuar gjithashtu një projekt për të ofruar produkte të menstruacioneve falas për familjet me të ardhura të ulëta.

Sipas vlerësimeve nga qeveria skoceze, kostoja për të zbatuar legjislacionin do të jetë rreth 24 milion £ në vit (pothuajse 32 milion dollarë).

skocia produktet menstruale (2)

Organizata jofitimprurëse në Mbretërinë e Bashkuar e ka cilësuar si një votë historike.

Sipas një studimi të kryer në vitin 2017-të u zbulua se 1 në 10 vajza në Mbretërinë e Bashkuar nuk mund t’i blinin produktet menstruale, ndërsa 1 në 7 vajza kishin probleme me sigurimin e tyre.

Është bërë gjithnjë e më e zakonshme në Skoci të hysh në një tualet për gra dhe të gjesh produkte falas tek lavamanët.

Lennon tha se aktivistët në të gjithë botën kishin parë nga afër progresin në Skoci.

Është një mesazh i rëndësishëm në mes të një pandemie globale që ne ende mund të vendosim të drejtat e grave dhe vajzave në krye të axhendës politike“,- përfundoi ajo.