A ka një gjë në këtë botë kaotike për të cilën mund të vinim bast gjithmonë? Veshjet e Dua Lipës në tapetin e kuq! Gjithçka përveçse delikat (ajo nuk ka frikë të marrë rreziqe), stili i saj ka të bëjë me krijimin e momenteve të guximshme në botën e modës. Ylli shqiptar i popit ka dalë vazhdimisht me fustane magjepsëse – disa vintage (si fustani i Versace në Grammys) dhe të tjerë të nxjerrë nga koleksionet më të fundit të shtëpive legjendare si Valentino, Balenciaga dhe Saint Laurent. Duke punuar me stilistin e mirënjohur Lorenzo Posocco prej vitesh tani, ajo ka shkëlqyer edhe me fustanet e personalizuara nga Vivienne Westwood dhe Miu Miu.
Ndërkohë që shpesh mund të prisni se çfarë mund të veshin disa të famshëm në një shfaqje çmimesh apo gala, veshjet e Dua Lipës në tapetin e kuq priren drejt të paparashikueshmes. Ajo ka qenë ndryshe nga gjithë të tjerët në parakalime të shumta në tapetin e kuq, duke përfshirë një fustan me korse punkish dhe një fustan princeshe me shtresa tyli rozë të lehtë. Të gjithë presim që Lipa dhe Posocco të vazhdojnë të na magjepsin edhe më shumë në tapetin e kuq për vitet në vijim. Por tani për tani, po risjellim në vëmendje disa nga veshjet e saj më të mira.
Vintage Versace
Për Grammy-t këtë vit, Dua u shfaq në tapetin e kuq me një fustan të zi vintage të Versace-s, i cili përmban një bust rrjetë të tejdukshëm me rripa të zi dhe detaje ari. Fun fact: Cindy Crawford veshi të njëjtin fustan në ‘MTV Movie Awards’ në 1992.
Maximilian Gown
Në ‘Fashion Awards 2021’, këngëtarja e “Future Nostalgia” veshi një tjetër fustan tërësisht të zezë. Ajo veshi një fustan Maximilian me korse, të kompletuar me një shall te qafa dhe mëngë.
Sheer Versace By Fendi
Ndërkohë, në ‘Javën e Modës në Milano’ vitin e kaluar, Dua mori pjesë në prezantimin e ‘Versace by Fendi’ në një numër të mrekullueshëm të tejdukshëm të stampuar me logon e firmës Fendi “F”. Ajo e stiloi me mjeshtëri fustanin me të brendshme të zeza Versace dhe sandale me rripa.
Silk Vivienne Westwood
Për ndarjen e çmimeve ‘Brit Awards 2021’, interpretuesja u shfaq me një fustan couture mëndafshi me korse, me një bisht asimetrik nga Vivienne Westwood, së bashku me taka me platformë Ghillie. Fustani dhe modeli i flokëve që kishte zgjedhur nuk ishte i rastësishëm por shërbeu si një formë homazhi për Amy Winehouse në 10-vjetorin e ndarjes së saj nga jeta. Fustani në ngjyrë të verdhë dhe modeli i flokëve ishin të ngjashme me look-un që Amy veshi në ‘BRIT Awards 2007’.
Pink Versace Couture
Në ndarjen e çmimeve ‘Grammy 2021’, superylli solli një pamje mahnitëse të versace rozë, e përkthyer në rrjetë kristali dhe e dizajnuar me një bust fluturash vezullues Swarovski. E kombinuar me sandale argjendi metalike me majë katrore, veshja ishte thjesht hyjnore.
Versace Starfish Dress
Një numër tjetër i Versace: Në ‘American Music Awards 2020’, Dua veshi një fustan të bardhë në stil busti, me yje deti shumëngjyrësh. Ajo e kombinoi veshjen me bizhuteri Versace ari dhe sandale me platformë metalike argjendi.
White Satin Two-Piece
Për Grammy-t në 2020, ylli zgjodhi një pamje të frymëzuar nga vitet ’90, të përbërë nga një set bardhë me korse dhe një fund të bardhë saten. Fustani i thjeshtë me dy pjesë të kujton një fustan të bardhë që Kate Moss veshi në ‘CFDA Gala në 1995’.
Barbie-Style Mini Dress
Duke ardhur si një Barbie e jetës reale, këngëtarja e “Cold Heart” veshi një fustan mini ngjyrë rozë të ndezur Versace dhe taka të ngjashme në Mnet ‘Asian Music Awards’ në 2019. Ajo gjithashtu kishte flokë me dy nuanca bionde dhe të zeza dhe mbante unaza të shumta.
Pink Miu Miu
Për AMA-t 2019, ylli i pop-it ishte super magjepsëse, duke u shfaqur në tapetin e kuq me një fustan rozë, Miu Miu, të zbukuruar me një detaj prej kadifeje të zezë në bel. Ajo e shoqëroi pamjen e strukturuar me taka të zeza me rripa – një varse verbuese diamanti dhe smeraldi, byzylyk, unaza.
Dion Lee Dress
Në ndarjen e çmimeve ‘MTV Europe Music Awards 2019’, vajza jonë zgjodhi një pamje tërësisht të zezë, duke veshur një fustan avangard të Dion Lee me geta dhe çizme sateni Jimmy Choo.
Red Couture Tiered Gown
Për Gala-n e amfAR 2019 në Kanë, Dua mahniti me një fustan të kuq Valentino me një dizajn me nivele të mbuluara me pupla. Natyrisht, ajo veshi sandale të kuqe Jimmy Choo dhe disa aksesorë të mëdha për ta bërë të plotë momentin spektakolar.
Printed Atelier Versace
Kur mori pjesë në ‘Met Gala 2019’, Dua ishte thjesht ikonike me Atelier Versace. Ajo u shfaq me një fustan të mrekullueshëm me rripa dhe platformat e përshtatshme me një model flokësh të frymëzuar nga vitet ’60, të cilin e zbukuroi me kapëse shkëlqyese në ngjyrë blu, rozë dhe ari.
Christopher Kane Dress
Për ndarjen e çmimeve ‘Brit Awards 2019’, ne e pamë Dua-n në tapetin e kuq me një fustan Christopher Kane të përbërë nga një body i zi me dantella dhe një fund rozë të ndezur. Gjerdani i saj elegant me diamante dhe choker argjendi (që përputheshin me sandalet e saj Jimmy Choo BTW) e bënë look-un e saj edhe më të veçantë.
See-Through Structured Skirt
Për premierën botërore të ‘Alita: Battle Angel’ (ajo u shfaq në kolonën zanore), Lipa zgjodhi një fustan Armani Prive pa rripa me vija të zeza, të kompletuar me një fund plotësisht të tejdukshëm.
Giambattista Valli Tiered Gown
Në një moment princeshe, Dua veshi një fustan rozë me nivele të Giambattista Valli, me një fjongo të zezë në bel në ‘Brit Awards 2018’. Ajo veshi sandale të zeza, të cilat i shtuan një element të skajshëm pamjes magjepsëse.
