Disa ditë më parë, Rita Ora, vizitoi Kosovën në kuadër të një misioni bamirësie me Fondin e Kombeve të Bashkuara për fëmijë (UNICEF).
Në këtë vizitë, këngëtarja e famshme me origjinë shqiptare shoqërohej nga dy prindërit, Vera dhe Besnik.
Ditën e sotme, Rita publikoi në profilin e saj në “Instagram” disa fotografi e video nga misioni i saj në Kosovë. Në postimin e saj, Ora shprehet se do të vazhdojë gjithmonë të ndihmojë për sigurinë e jetës së fëmijëve.
“Akoma po mendoj për javët që vizitova vendlindjen time Kosovën dhe sesa e pabesueshme ishte të ndihmoja fëmijët në bashkëpunim me Unicef. Ti japësh atyre shpresë dhe besim dhe dikë që të kontrollojë shëndetin e fëmijëve është kaq komode. Unë gjithashtu desha t’i jepja fëmijëve edhe disa lodra dhe nuk mund t’jua them dot sesa të lumtur ishin, në sytë e mi kishte lot pasi shihja fytyrat e tyre të qeshura. Si një ambasadore e Kosovës, është detyra ime të sigurohem që të bëjmë gjithçka me organizata si Unicef që punojnë shumë për sigurinë e jetës së fëmijëve. Me ndihmën tuaj ne mund të bëjmë shumë më shumë në të gjithë botën për të mbështetur të ardhmen. Faleminderit Unicef”, shkruan këngëtarja me famë botërore bashkëngjitur me fotot e videot e publikuara në “Instagram”.
NDIQE LIVE "PANORAMA TV" © Panoramaplus.al