Klea Huta është mes personazheve të famshëm në Shqipëri që ka dhënë mesazhe sensibilizuese për koronavirusin.
Moderatorja, e cila është shtatzënë, tregoi se është mbyllur në shtëpi për të mbrojtur veten edhe të tjerët.
Ajo u shpreh se kohën në shtëpi po e kalon duke parë filma dhe lexuar libra.
Ndërsa u bëri thirrje njerëzve të qëndrojnë të qetë pasi e rëndësishme është te jemi të kthjellët.
“Po jam në shtëpi për veten, për ty, për familjen time, për familjen tënde, për prindërit e mi, për prindërit e tu, për gjyshërit e mi dhe gjyshërit e tu. Dhe përveç kënaqësisë që kam kur rri në shtëpi pasi pashë disa filma, tani do filloj të lexoj. Pa panik, pa shqetësim sepse është e rëndësishme të jemi të kthjellët dhe të qetë mendërisht. Mendoni pozitivisht,”– shtoi ajo.
NDIQE LIVE "PANORAMA TV" © Panoramaplus.al