Justin Bieber është “shumë i lumtur” që bashkëshortja e tij Hailey Bieber dhe ish e dashura, Selena Gomez u përqafuan me njëra-tjetrën në Academy Museum Gala në Los Anxhelos.
Në fotot virale, të kapura nga fotografi Tyrell Hampton, aktorja dhe modelja shihen duke u përqafuar dhe duke buzëqeshur.
Fotot i dhanë fund të gjitha thashethemeve për një armiqësi mes Selena Gomez dhe Hailey Bieber për dashurinë e tyre për këngëtarin kanadez.
“Justin është shumë i lumtur me faktin që të gjithë mund të ecin përpara dhe se ka paqe mes tyre”, tha një burim për Entertainment Tonight.
Fotografitë në kohën e duhur kishin për qëllim “t’i tregonin botës se nuk ka inate mes tyre”.
Imazhet që po bëjnë xhiron e botës vijnë pasi modelja foli për martesën e saj me Justin dhe ndarjen e këngëtarit nga Selena Gomez.
Hailey mohoi akuzat se ka qenë e lidhur me artistin, kur ky i fundit ishte në një marrëdhënie me aktoren.
NDIQE LIVE "PANORAMA TV" © Panoramaplus.al