Melinda French Gates ka treguar se momenti kur e kuptoi që kishte ardhur koha që ajo dhe Bill Gates duhej t’i jepnin fund martesës së tyre pas 27 vitesh dhe tre fëmijëve ishte “momenti më i vështirë” në jetën e saj.
Milarderja ka pranuar se të gjithë kalojnë “momentet e tyre të vështira” dhe se ajo “nuk është e lumtur çdo ditë” në një intervistë për “USA Today”, rrëfeu se divorci nuk ishte diçka që ajo “mendonte ndonjëherë se do t’i ndodhte”.
“Sigurisht që nuk ishte ajo që mendoja ditën kur u martova,” tha ajo. “Por e kuptova vetë, më duhej të bëja një zgjedhje më të shëndetshme dhe kjo ishte një ditë shumë, shumë e trishtë.”
Gates, 66 vjeç dhe French Gates, 57 vjeç, njoftuan ndarjen e tyre në maj 2021.
“Pas një diskutimi dhe punës që kemi bërë përta mbajtur lidhjen tonë, ne kemi marrë vendimin për t’i dhënë fund martesës sonë”, tha ish-çifti në një deklaratë të përbashkët në atë kohë.
“Ne vazhdojmë të ndajmë besimin në atë mision dhe do të vazhdojmë punën tonë së bashku në fondacion, por nuk besojmë më se mund të rritemi së bashku si çift në këtë fazë tjetër të jetës sonë. Ne kërkojmë hapësirë dhe privatësi për familjen tonë ndërsa fillojmë të lundrojmë në këtë jetë të re.”- kanë përfunduar ata.
Divorci i tyre u finalizua në gusht 2021. Gjithashtu French zbuloi së fundmi se si miqësia e ish-bashkëshortit të saj me Jeffrey Epstein, i cili është dënuar për abuaim seksual dhe ku luajti një rol në vendimin e saj për t’i dhënë fund martesës.
“Nuk më pëlqeu që ai pati takime me Jeffrey Epstein, jo. Unë ia kam bërë të qartë këtë. Ai ishte i neveritshëm. Ai ishte personifikuar i keq. Më thyhet zemra për këto gra.”- u shpreh ajo.
Megjithatë, French Gates sqaroi se kjo nuk ishte arsyeja e vetme për prishjen e martesës, duke shtuar se “nuk ishte një gjë, por shumë gjëra”.
Gates dyshohet se kishte një lidhje me një punonjës të Microsoft-it, për të cilën bordi i kompanisë u vu në dijeni në vitin 2019.
“Unë sigurisht besoj në falje, kështu që mendova se kishim punuar me disa prej tyre. Nuk ishte një moment apo një gjë specifike që ndodhi. Sapo erdhi një moment ku kuptova se thjesht nuk ishte e shëndetshme dhe nuk mund të besoja më atë që kishim.”
Ish-çifti, i cili themeloi Fondacionin Bill dhe Melinda Gates së bashku, kanë dy vajza Jennifer, 25, dhe Phoebe, 19, dhe djalin Rory, 22 vjeç.
