Nga data 1 tetor Izraeli ka hequr kufizimin që homoseksualët nuk mund të dhurojnë gjak.
Lajmi është njoftuar nga ministri i Shëndetësisë, Nitzan Horoëitz, i cili foli për një “fakt historik”.
Diskriminimi kundër meshkujve homoseksualë, shpjegoi Horoëitz, vetë homoseksual, ka mbaruar.
“Kur u bëra ministër urdhërova heqjen e pyetjeve diskriminuese dhe të parëndësishme që ishin vendosur në pyetësorin e dhurimit, një trashëgimi e një stereotipi që i përket të kaluarës. Nuk ka dallim mes gjakut të një heteroseksuali dhe të një homoseksuali”, tha ai.
Lëvizja izraelite LGBT, e falenderoi ministrin për “këtë vendim të rëndësishëm”.
Shumë vende, duke përfshirë Izraelin, i ndalonin homoseksualët të japin gjak nga frika se mund të jenë bartës të HIV, virusi që shkakton AIDS.
Aktualisht është e ndaluar në Izrael dhurimi i gjakut nga persona që kanë kryer marrëdhënie seksuale me të njëjtin seks 12 muaj para dhurimit të gjakut.
Sipas vendimit të ri, formulimi që do të shfaqet në pyetësorin e dhurimit të gjakut, do t’i referohet idesë “të bësh seks me rrezik të lartë”, me partner të rinj ose të shumëfishtë, pavarësisht nga orientimi seksual dhe gjinia.
Ata që kanë dëshirë të dhurojnë gjak, por që deklarojnë se janë përfshirë në “një marrëdhënie seksuale me rrezik të lartë” do të ndalohen të dhurojnë për tre muaj.
NDIQE LIVE "PANORAMA TV" © Panoramaplus.al