Sipas disa imazheve të publikuara së fundmi, seriali i “The Crown” i Netflix ka filmuar skenat që përshkruajnë momentet para aksidentit që shkaktoi vdekjen e Dianës, Princeshën e Uellsit .
Në sezonin e saj të gjashtë, drama mbretërore në Netflix do të shqyrtojë vdekjen e Dianës në Paris, e cila shokoi gjithë globin 25 vjet më parë.
Ndryshe nga raportimet e mediave, gjigandi i transmetimit deklaroi më herët se seriali do të fokusohej në ngjarjet që i paraprinë dhe pasuan aksidentin e tmerrshëm.
Sipas fotove të publikuara në Daily Mail të enjten, një Mercedes i zi, i ngjashëm me atë me të cilin po udhëtonte princesha e ndjerë, po fotografohej pak para aksidentit.
#BREAKING After Netflix “Promised” not to film or show Princess Diana’s death, photos came out today showing that The Crown actually DID FILM the car crash in the actual Paris tunnel where it happened! #TheCrownNetflix #Diana #PrincessDiana #August311997 pic.twitter.com/NDLsabZWCV
— C.D.Oneill (@TO93692379) October 28, 2022
Së bashku me Dodi Fayed dhe shoferin e saj Henri Paul, Diana vdiq në moshën 36 vjeçare në tunelin Pont de l’Alma në gusht 1997. Netflix mohoi në fillim të këtij muaji se sezoni i pestë i The Crown është një “dramatizim imagjinar” dhe ” ndikuar nga ngjarje të vërteta”.
Sezoni i gjashtë i “The Crown” është ende në prodhim, kurse sezoni i pestë është gati për transmetim.
‘The Crown’ është paraqitur gjithmonë si një dramë e bazuar në ngjarje historike.
Sezoni i pestë është një dramatizim që spekulon mbi atë që mund të ketë ndodhur pas dyerve të mbyllura gjatë një dekade vendimtare për familjen mbretërore që më parë është shqyrtuar nga afër dhe është dokumentuar mirë nga gazetarë, biografë dhe historianë.
