Meghan Markle duket se do të quhet “mbretëresha rrëzëllitëse”, pas daljes së parë në publik, pas Megxit.
38-vjeçarja u shfaq në krah të bashkëshortit të saj, Harry, e veshur me një fustan blu, të Victoria Beckham, ndërsa ishin të pranishëm në mbrëmjen e çmimeve Mansion House në Londër.
Pamja e Meghan ka rrëmbyer të gjithë vëmendjen, ndërsa të shumtë kanë qenë komentuesit në rrjetet sociale që e përgëzonin atë për pamjen.
Ajo çfarë binte akoma më shumë në sy ishte edhe lumturia që shkëlqente në fytyrën ish-aktores, me një buzëqeshje që e shoqëronte në ço hap që hidhte krah “princit të saj”.
