Gjatë sezonit të kaluar televiziv pati zëra se dy moderatorëve të emisionit ‘Boom Boom’ Fiori Dardha dhe Rozana Radi diçka nuk shkonte dhe se ato kishin konflikte me njëra-tjetrën.
Moderatoret publikisht nuk e kishin pranuar deri më tani këtë gjë si të vërtetë, por sot në emisionin e mëngjesit ‘Ditë e re’ të pyetura nga moderatorët ato e kanë vërtetuar këtë fakt.
Të dyja me të qeshur sqaruan se në një çast kanë patur konflikt, duke e krahasuar me humor me zënkat mes çifteve.
Ato pranuan se shumë gjëra më pas i kanë afruar dhe kanë vendosur t’i lënë pas hatërmbetjet. Mes batutave ato kanë rrëfyer se emisioni ‘u shkonte vaj’ edhe pse nuk flisnin, madje më mirë sepse gjatë transmetimit i hidhnin kunja edhe njëra-tjetrës.
NDIQE LIVE "PANORAMA TV" © Panoramaplus.al