Era Istrefi bie pre e një mashtrimi! 45-vjeçari i prezantohet si polic dhe… Ja ç’i ndodhi

Të jesh personazh publik nuk është e lehtë!

Njerëzit janë kuriozë të dinë çdo gjë në lidhje me jetën e tyre private dhe ndonjëherë, disa mund të tentojnë t’u afrohen më shumë se ç’duhet.

Kjo i ka ndodhur së fundmi edhe këngëtares së njohur, Era Istrefit. Raportohet se 26-vjeçarja ka rënë pre e një mashtrimi.

Sipas “BalkanWeb”, një 45-vjeçar i është paraqitur si polic dhe e ka ndaluar këngëtaren në rrugë.

Ngjarja ka ndodhur gjashtë ditë më parë, rreth orës 21:00.

“Polici” e ka shoqëruar Erën deri në lagjen “Marigona Residence” dhe më pas është larguar pa lënë gjurmë.

Megjithatë, policia ka arritur ta identifikojë dhe e ka arrestuar ditën e djeshme. Mësohet se 45-vjeçari quhet Bujar Shala.

Ndërkohë, Era nuk ka bërë asnjë reagim në lidhje me këtë ngjarje.

Një javë më parë, ajo njoftoi se ishte bërë rezidente në Britaninë e Madhe. Këngëtarja publikoi në Instagram një foto të saj nga një dhomë gjumi, krah së cilës shkruajti: “Sapo mora rezidencën”.