Kompania “Tesla” e Elon Musk do të ndërtojë një robot humanoid që do të quhet “Tesla Bot”.
Sipas Musk, nëse një robot humanoid punon dhe mund të kryejë detyra që vetëm njerëzit mund t’i bëjnë sot, ai ka mundësinë të transformojë ekonominë botërore duke ulur kostot e punës, sipas “The Verge”.
“Është menduar të jetë miqësor, natyrisht, të lundrojë nëpër një botë njerëzish dhe të eliminojë detyrat e rrezikshme, të përsëritura dhe të mërzitshme,“- tha Musk.
Lmao this is how he made his announcement? pic.twitter.com/6Ktybjyeav
— Ryan Mac? (@RMac18) August 20, 2021
“Ne jemi gjithashtu të mirë kur bëhet fjalë për sensorë dhe bateri dhe me siguri do të kemi një prototip vitin e ardhshëm që duket kështu,“- tha Musk, duke treguar se si do të duket roboti Tesla përmes një aktori, i cili u shfaq në skenë. Ai vuri në dukje se aktori nuk ishte një robot i vërtetë, por “Tesla Bot” do të jetë i vërtetë.
Mënyra që ai zgjodhi për prezantimin e robotit bëri xhiron e mediave, madje disa mendojnë se Musk nuk e ka marrë aspak seriozisht punën e krijimit të robotit.
Kjo s’është aspak për t’u çuditur, duke pasur parasysh idetë e tij në të shkuarën.
Për shembull, në një event në prill të 2019-ës, Musk tha se kompania do të kishte 1 milion “robotaksi” autonome në vitin 2020. Sot, ato robotaksi nuk gjenden askund. Në tetor 2016, Musk mbajti një event në Los Anxhelos për të shfaqur një produkt që ai e quajti Kulmi Diellor. Pllakat diellore në ekran dolën të ishin thjesht konceptuale.
NDIQE LIVE "PANORAMA TV" © Panoramaplus.al