“Një vajzë 27-vjeçare është lidhur me një djalë 4 vite më të vogël se ajo, por pas një ndarjeje të shkurtër mes tyre, ai u lidh me shoqen e saj të ngushtë, shkruan “Dear Deidre” nga “The Sun”.
“I dashuri im po ngacmon shoqen time më të mirë dhe nuk di çfarë të bëj.
Unë jam 27, ai është 23 vjeç, dhe jemi bashkë për më shumë se një vit.
Kemi pasur shumë ulje-ngritje, dhe në një nga këto periudha kur nuk flisnim, ai shkoi me shoqen time të ngushtë, e cila është 24 vjeç.
Unë u lëndova, u ndjeva sikur ajo kishte thyer “kodin e vajzës”, por nuk thashë asgjë, sepse nuk mendoja se kisha të drejtë, pasi ishim ndarë.
Ata filluan të shiheshin dhe ajo më thoshte se unë vazhdoja të dilja në bisedat e tyre dhe të shkaktoja debate.
E di që është gabim, por kjo më kënaqi, sepse isha akoma e dashuruar me të.
Pastaj, pak para mbylljes së parë, ai më pa në një bar dhe erdhi për një bisedë.
Ishte e qartë se ende më pëlqente dhe flirtuam e ndamë disa shaka private.
Kjo çoi në një grindje masive mes tyre dhe ata u ndanë.
Ajo më tha se ishte i gjithë imi nëse e dëshiroja. Që nga ajo kohë, unë dhe ajo mezi flasim.
Ndërsa unë jetoj vetëm, ne kalojmë shumë kohë së bashku.
Problemi është se unë e di që ai është akoma në kontakt me të, kjo është e qartë nga faqet e tyre të mediave sociale, pasi ajo vazhdon ta bllokojë atë dhe pastaj ta ndjekë përsëri.
Unë dyshoj se ata kanë filluar gjërat nga e para. Të dy e mohojnë. Dje në mbrëmje ai ishte në banesën time kur i erdhi një mesazh.
Ne qeshëm, dhe madje bëmë seks, por më pas, pa ndonjë arsye, ai filloi të vepronte ftohtë ndaj meje.
Më tha se ka nevojë për hapësirë dhe mendon se ne duhet të shkëputemi sërish.
Nuk ka kuptim, pasi gjithçka ka qenë e mrekullueshme, dhe ne madje bëmë plane që të shkonim për një shëtitje përgjatë plazhit këtë fundjavë.
Nuk di çfarë të bëj pasi e dua vërtet dhe kemi një kimi kaq të mirë, të gjithë e thonë. Si ta bëj të kuptojë që unë jam e duhura për të?”
“Dear Deidre” u përgjigj:
“I dashuri juaj është ende i ri në moshë, dhe duket sikur ai nuk është gati për një lidhje serioze ose nuk është në gjendje të lidhet me këdo.
Për të ndaluar veten të ndjesh më shumë për të dhe të rrezikosh që të dalësh e lënduar, mund të jetë më mirë të pranosh atë që po thotë.
Ju mund të zgjidhni t’i tregoni atij sinqerisht se si ndiheni dhe të thoni se do të donit që gjërat mes jush të funksionojnë, por nëse ai nuk është i gatshëm nuk mund të bëni asgjë.
Kur ju pëlqen dikush është e lehtë të bindni veten se ata duhet të ndjejnë të njëjtën gjë, por veprimet e tij sugjerojnë se ai është vetëm pas diçkaje të rastësishme.
Ti dhe shoqja jote i keni dhënë mundësinë që të kalojë sa tek njëra tek tjetra. Ai pa dyshim është i kënaqur nga mënyra se si mund të mbajë dy gra.
Tani është koha të vazhdoni me jetën tuaj dhe të takoni dikë të ri që është mjaft i pjekur për t’ju dhënë atë që dëshironi”.
NDIQE LIVE "PANORAMA TV" © Panoramaplus.al