Të kesh një kalë do të thotë të kesh edhe avantazhe të jashtëzakonshme, pasi ai jep mbështetje emocionale, është argëtues dhe shumë i bukur. Gjërat bëhen më interesante kur ndani gjithçka me kalin tuaj, madje edhe pamjen. Naomie realizoi disa fotografi me kalin e saj, Storm, me të cilën ngjan shumë.
“Bright Side” sjell fotografitë mahnitëse që Naomi ka realizuar me mikun e saj.
Naomie i ka pasur qejf kuajt që kur ishte një fëmijë i vogël, dhe donte të blinte një kur të rritej. Ajo më në fund ishte në gjendje të përmbushte ëndrrën e saj, dhe kur pa Storm, ajo tha: “Ishte dashuri me shikim të parë, ajo është gjithçka që kam ëndërruar ndonjëherë dhe më shumë, sinqerisht ajo dukej sikur kishte dalë direkt nga ëndrrat e mia të fëmijërisë …”
Naomie ishte skeptike për emrin e Storm në fillim, por vendosi ta mbante atë.
Kur përshkroi Stormin, Naomie i tha “Bright Side” se ajo është shumë e veçantë për të. Ajo tha: “Unë kam pesë vite që e kam takuar atë, ajo është jashtëzakonisht e ëmbël, është e dashur. Është shumë e zgjuar dhe me humor dhe unë mund t’i besoj asaj pa marrë parasysh çfarë.”
Kur shikojmë fotografitë, ne mund të dallojmë lidhjen midis Storm dhe njeriut të saj, por fjalët e Naomie janë një përfaqësim i vërtetë i shoqërisë së tyre.
Naomie dhe kali i saj kanë bërë mjaft përshtypje për shkak të ngjashmërisë së tyre: ato të dyja kanë modele flokësh të ngjashme. Kur u pyet për këtë rastësi të bukur, Naomie tha: “Unë kurrë nuk kam kërkuar një kalë që të më ngjajë, por dikush më dërgoi një mesazh: ‘Nëse vendosni të blini një kalë, merreni në konsideratë këtë pasi ju ngjani.’ Ndonëse nisi si shaka, ky mesazh më bëri që ta blija vërtet.”
NDIQE LIVE "PANORAMA TV" © Panoramaplus.al