Një grua 47-vjeçare donte që të festonte hapjen e një kapitulli të ri në jetën e saj, me një album fotografik.
Kjo nuk kishte të bënte me fejesën, martesën, ardhjen në jetë të një fëmije apo diçka tjetër. Marie Lollis sapo ishte divorcuar pas 13-vitesh martesë me Quinton Eaton.
Lumturinë e saj për këtë ngjarje, ajo e shprehu në disa fotografi, të cilat u bënë menjëherë virale në internet.
47-vjeçarja shfaqet e veshur me çizme me taka mbi gjunjë, e kërkon të thotë se fundi i martesës nuk është një ngjarje e hidhur në jetë. Mesazhi që do të japë është se gratë e forta mund të fuqizohen nga kjo lëvizje dhe të jenë të lumtura.
“Është mirë që të jesh përsëri e lumtur”, tha Marie për ‘DailyMail’.
