Ky është momenti kur një grua bën veprimin më të pazakontë gjatë një fluturimi me avion. Të hënën, fluturimi “Xiamen Airlines MF8215” teksa po përgatitej që të nisej, u njoftua nga ekuipazhi për shkeljen e rëndë të sigurisë.
Një grua, emri i të cilës nuk është bërë i ditur, hapi derën e daljes së urgjencës pak para ngritjes së avionit, pasi sipas saj donte të merrte ajër të pastër.
“Daily Mail” shkruan se ky veprim i gruas shkaktoi shumë shqetësim te pasagjerët e tjerë, pasi avioni qëndroi në aeroportin Ndërkombëtar Wuhan Tianhe, në Kinë edhe për një orë.
Gjithashtu bëhet e ditur se oficerët arrestuan pasagjeren para se aeroplani të nisej drejt destinacionit për në Lanzhou, Gansu.
