Aktori i serialit “Squid Game” O Yeong-su është paditur nga një grua e cila pretendon se ai e ka ngacmuar seksualisht.
78-vjeçari u lirua nga paraburgimi pasi u akuzua se kishte prekur në mënyrë të pahijshme trupin e një gruaje në vitin 2017.
Gruaja fillimisht paraqiti një ankesë kundër Yeong-su në dhjetor 2021. Ndërsa çështja u mbyll nga policia prillin e kaluar, çështja u hap sërish pasi viktima e supozuar kërkoi që ngjarja të hetohej më tej.
Yeong-su i mohoi akuzat kur u mor në pyetje nga autoritetet, sipas agjencisë lokale të lajmeve ‘Yonhap’.
Aktori i cili fitoi Golden Globe për aktorin më të mirë në rol dytësor për rolin e tij të parë si Oh Il-nam në hitin e Netflix – ka lëshuar një deklaratë në lidhje me akuzat.
“Unë thjesht e mbajta dorën e saj për t’i treguar rrugën rreth liqenit,” tha O për ‘JTBC’.
“Kërkova falje sepse personi tha se nuk do të bënte zhurmë për këtë, por kjo nuk do të thotë që unë i pranoj akuzat.”- shtoi ai.
Ndërkohë, serali “Squid Game” do të rikthehet për sezonin e dytë. Shkrimtari dhe regjisori Hwang Dong-hyuk e konfirmoi lajmin gjatë një intervistë me Associated Press vitin e kaluar.
Hëang tha, “Ka pasur kaq shumë presion, kaq shumë kërkesa dhe kaq shumë dashuri për një sezon të dytë. Kështu që nuk na lini zgjidhje tjetër!”.
