Bafta TV Awards 2022: Yjet e veshur më mirë në tapetin e kuq

Sot po mbahen “Bafta TV Awards 2022” dhe yjet kanë zbukuruar tapetin e kuq në ‘Royal Festival Hall’ të Londrës.

Kryesues i nominimeve është drama e Channel 4, ‘It’s A Sin’, e ndjekur nga “Sex Education” i Netflix, “Time” i BBC One dhe “Help” i Channel 4. Kate Winslet, Sean Bean dhe Matthew Macfayden janë ndër aktorët e nominuar për çmime.

Gjithashtu në mesin e të nominuarve është edhe Ncuti Gatwa, i cili sapo është shpallur si ylli më i ri i ‘Doctor Who’. Gatwa është nominuar në ‘Performancën më të mirë të një aktori mashkull’ në kategorinë ‘Komedi’.

Billy Connolly do të marrë ‘Bursën e Akademisë Britanike të Arteve të Filmit dhe Televizionit’ gjatë ceremonisë, nderimi më i lartë i akademisë që njeh një individ që ka dhënë një kontribut të jashtëzakonshëm në art.

Shihni më poshtë yjet e veshur më mirë në Bafta TV Awards 2022.