4 Dhjetor, 2020

As nga mungesa e stërvitjes, as nga shëndeti! Ja pse na “merret” fryma kur ngjisim shkallët

Ngjitja e shkallëve mund të jetë sfiduese për një pjesë njerëzish.

Na ndodh shpesh që të na merret fryma në momentin që kemi shumë shkallë për të ngjitur, dhe kjo u ndodh të gjithëve, përfshirë edhe ata që stërviten rregullisht.

Për fat të mirë, kjo nuk do të thotë që duhet të ushtrohemi më shumë apo që kemi probleme shëndetësore, sipas “Bright Side”.

Por pse ndodh kjo?

Mund të keni probleme shëndetësore

shkallet frymemarrja (5)

Ka disa gjëra të cilat duhet t’i mbani në vëzhgim nëse keni probleme me frymëmarrjen pasi keni ngjitur një palë shkallë. Mund të mos ketë asgjë për t’u shqetësuar.

Por nëse keni gjithashtu dhimbje gjoksi, këmbë të ënjtura, damarë të fryrë, ose filloni të kolliteni, duhet të telefononi mjekun tuaj, sepse mund të jenë shenja që tregojnë se keni probleme shëndetësore.

Muskujt tuaj nuk janë “ngrohur”.

shkallet frymemarrja (2)

Para fillimit të stërvitjes, ne zakonisht bëjmë një ngrohje. Kjo është e rëndësishme, sepse ndihmon në ngrohjen e muskujve, rrit gradualisht rrjedhën e gjakut dhe sasinë e oksigjenit dhe ul rrezikun e lëndimit.

Dhe kur filloni të ngjisni shkallët, filloni të jeni aktiv direkt nga pushimi që sapo bëtë. Kjo është arsyeja pse trupi do të duhet të punojë më shumë që të ketë më shumë oksigjen për ta dërguar tek muskujt në një periudhë shumë të shkurtër kohe, dhe rrahjet e zemrës do të rriten.

Nuk është si “kardio” që bëni rregullisht.

shkallet frymemarrja (1)

Ngjitja e shkallëve përdor një sistemin energjie tjetër, në krahasim me ushtrimet kardio që ne zakonisht bëjmë.

Quhet sistemi i energjisë “fosfagjene”. Përdoret kur muskujt kanë nevojë për shumë energji gjatë aktiviteteve afatshkurtra, por intensive.

Ekzistojnë disa molekula që janë të nevojshme që ky sistem të funksionojë, por nuk ka shumë prej tyre. Pra, është normale të marrësh frymë më shpejt pas një periudhe shumë të shkurtër aktiviteti intensiv, sesa pas një seance kardio më të gjatë dhe më të qëndrueshme.

Muskujt lodhen më shpejt.

shkallet frymemarrja (6)

Keni 2 lloje fibrash muskulore: dridhje të ngadaltë dhe dridhje të shpejtë. Nëse jeni një vrapues me përvojë, mund të duroni vrapimin në distanca të gjata, falë fibrave me dridhje të ngadaltë, të cilat lodhen më lehtë, por nuk kanë shumë fuqi dhe forcë.

Kur ecni nëpër shkallë, keni nevojë për muskuj që dridhen shpejt për lëvizje të shpejta, por ato lodhen më shpejt.

Dikush që nuk stërvitet shumë mund të mos marrë frymë aq shpejt sa dikush që stërvitet.

shkallet frymemarrja (4)

Nëse stërviteni duke vrapuar, përdorni më shumë fibrat me dridhje të ngadalta dhe ato mbështeten në metabolizmin aerobik.

Kur ngjitni shkallët, prodhohet dioksid karboni dhe hidrogjen, për të cilin atletët janë më të ndjeshëm sesa njerëzit e tjerë.

Kjo është arsyeja pse mund të jetë më e lehtë për dikë që nuk stërvitet shumë të ngjisë shkallët, sesa për dikë që ushtrohet më pak.

Si mund ta bëni më të lehtë ngjitjen e shkallëve

shkallet frymemarrja (3)

Thjesht provoni të përdorni shkallët më shpesh. Për shkak se nuk e bëjmë shumë, është e kuptueshme që trupat tanë nuk janë mësuar me këtë lloj aktiviteti fizik, dhe mund të jetë më e vështirë nga sa mendojmë. Kështu që nëse e bëjmë më shpesh, do të stërvitemi që të jemi në gjendje ta bëjmë atë më lehtë.

Ju gjithashtu mund të provoni ushtrime të tjera, si vrap i shpejtë, kërcim ose lëvizje të tjera që kërkojnë shpërthime të papritura të energjisë, si në rastin kur ngjitni shkallët.