Pas përfundimit me sukses të sezonit të parë të Big Brother Vip, Arbana Osmani ka vendosur që këtë periudhë ta shfrytëzojë për veten dhe familjen e saj.
Pas pushimeve vetëm për vetëm më partnerin e saj Eduart Grishajn, në Shtetet e Bashkuara të Amerikës, moderatorja e njohur është “arratisur” sërish në një tjetër destinacion. Së bashku me familjen e saj, Arbana ka zgjedhur ishujt grek Mykonos për të vazhduar turin e saj të pushimeve. Edhe këtë herë, Osmani ka mbajtur të informuar ndjekësit, duke postuar shpesh në Instagramin e saj, momente gjatë pushimit.
“Në Mykonos me “djemtë” e mi,” -ka shkruar moderatorja në postimin e fundit.
View this post on Instagram
Ndërkohë ju kujtojmë që çifti i njohur i showbizit shqiptar janë në pritje të fëmijës së tyre të dytë. Ndonëse moderatorja është në tremujorin e dytë të shtatzënisë deri tani nuk e ka zbuluar gjininë e fëmijës që po presin por në media aludohet se do bëhen me vajzë. Në 2020 ata mirëpritën në jetë djalin e tyre të quajtur Diell. Teksa Arbana ka edhe një djalë më të madh nga martesa e saj e parë.
Sa i përket planeve për tu rikthyer në ekran, prezantuesja ka treguar se nuk ka asnjë plan dhe se do e shohim vetëm në fund të dhjetorit kur pritet të fillojë sezoni i dytë i “Big Brother VIP 2”.
