Dy persona u vranë të premten e 26 dhjetorit në Izraelin verior, sipas shërbimeve të emergjencës, ndërsa autoritetet po hetojnë nëse bëhet fjalë për një sulm terrorist.
Policia njoftoi se autori i dyshuar është “neutralizuar”. Sipas autoriteteve, ai kreu tre sulme të ndara, duke shkaktuar fillimisht vdekjen e një këmbësori 68-vjeçar pas një aksidenti rrugor dhe më pas duke therur për vdekje një grua të re pranë një stacioni autobusi në Autostradën Kombëtare 71.
Mediat izraelite në gjuhën hebraike raportojnë se një nga viktimat ishte 19 vjeçe. Ajo dyshohet se po përpiqej të bënte autostop në zonë, kur autori doli nga automjeti i tij dhe e goditi për vdekje me thikë.
Më herët, i dyshuari ishte përplasur me një automjet tjetër, duke plagosur lehtë një të ri.
Pas sulmit me thikë ndaj gruas, autori u largua drejt Afulës, por u ndalua dhe u neutralizua nga forcat e sigurisë.
Autoritetet po hetojnë nëse i dyshuari është palestinez, banor i qytetit Kabatija, në veriun e Bregut Perëndimor, pranë Xheninit, raportoi transmetuesi publik Kan.
© Panorama.al
