Një vullkan “përbindësh” në Etiopi shpërtheu për herë të parë pas 10,000 vjetësh, duke nxjerrë një re të madhe hiri.
Konkretisht, vullkani Haile Gubbi shpërtheu sot me hirin që u nxor dhe që tejkalon dhjetë kilometra lartësi sipas ekspertëve. Shpërthimi cilësohet aq i frikshëm, sa ka përhapur panik pas imazheve të kapura nga hapësira.
Një video që qarkullon në internet tregon nga larg momentin kur një re e madhe hiri nxirret në qiell, me banorët e zonës që vrapojnë për të parë këtë spektakël mbresëlënës.
Po aq mbresëlënëse është edhe një video tjetër e marrë nga një satelit në hapësirë që tregon momentin e shpërthimit.
⚠️ Ethiopia: The Hayli Gobi volcano erupted today for the first time in ten thousand years and sent ash up to a height of 15 km.🔥🔥 pic.twitter.com/aiPVhhO4rr
— Dr. Fundji Benedict (@Fundji3) November 24, 2025
Vullkani ndodhet në depresionin e largët Danakil, ku shpërthimi u konfirmua fillimisht nga të dhënat satelitore.
Analistët që monitoruan shpërthimin raportuan një re të madhe hiri. Që atëherë, retë janë zhvendosur në lindje mbi Detin e Kuq, duke prekur pjesë të Arabisë jugperëndimore, përfshirë Jemenin dhe Omanin.
© Panorama.al
