Një pjesë e bazës amerikane në aeroportin e Erbil, në veri të Iraq, është përfshirë nga flakët pas një sulmi që dyshohet të jetë kryer me raketa balistike iraniane ose dronë.
Sipas informacioneve nga zona, objektivi i goditur ka qenë një depo armatimesh brenda kompleksit ushtarak. Pamje të publikuara në rrjetet sociale tregojnë flakë të mëdha që ngrihen në qiell, ndërsa dëgjohen edhe shpërthime të njëpasnjëshme, të cilat besohet se vijnë nga materiali ushtarak që po digjet.
🇺🇸/🇮🇶/🇮🇷 NEW: The U.S. base in Erbil, Iraqi Kurdistan, after being targeted by Iranian ballistic missiles and Iraqi Resistance drones#Iran pic.twitter.com/KMwV8F3mHF
— TheGlobalDecoder (@TGD_06) March 1, 2026
Dëshmitarë okularë raportojnë për goditje me raketa ose mjete ajrore pa pilot (dronë) që kanë shënjestruar bazën. Baza në Erbil ka qenë objekt sulmesh edhe në vitin 2020, si dhe në incidente të tjera gjatë viteve pasuese. Megjithatë, sipas burimeve lokale, sulmi i fundit duket të jetë i një shkalle më të gjerë dhe me pasoja më të rënda.
Multiple loud explosions heard in #Erbil this evening. Videos circulating on Social media suggest that some of the drones hit their targets at the US military base inside there airport. An Iraqi Islamic resistance group called “Ashab Al-Kahf” أصحاب الكهف claimed the attack. pic.twitter.com/E7TU6xPoGA
— Hoshang Waziri هوشنك وزيري (@HoWaziri) March 1, 2026
Autoritetet amerikane dhe ato irakiane nuk kanë dhënë ende një deklaratë zyrtare mbi shkallën e dëmeve apo viktimat e mundshme.
