Një gol spektakolar i Donart Ibraimit në minutën e 114 të ndeshjes (shtesa), i ka siguruar Elbasanit një biletë për në çerekfinalet e Kupës së Shqipërisë.
Elbasanasit kanë siguruar kualifikimin pas fitores 2-1 përballë Flamurtarit.
Ndeshja ka qenë dramatike dhe me emocione të shumta, teksa vlonjatët u gjunjëzuan në frymën e fundit, kur gjithçka po shkonte te penalltitë.
Ibraimi në vijimin e një goditje këndi, pret topin në kufijtë e zonës dhe me të majtën lëshon një predhë që nuk i lë kohë Kaloshit të reagojë.
Elbasani i bashkohet Dinamos, Tiranës, Bylisit, Partizanit, Egnatias, Tutës dhe Vllaznisë në fazën tjetër të përballjeve, ku do presin dhe shortin.
Goli i Ibrahimit (VIDEO)
ELBASANI-FLAMURTARI 2-1
29′ Lajthia, 114′ Ibraimi / 59′ Oshafi
FORMACIONET ZYRTARE:
Elbasani: Totoshi; Olberkis, Ben Shimon, Loukili, Ibrahim, Azemoviç, Bunjaku, Musta, Diallo, A. Kasa
Trajner: Ivan Gvozdenoviç
Flamurtari: Kaloshi; Urbaez, Skuadrone, Veiga, Trashi, Oshafi, Marku, Baeten, Diavara, Ramani, Çantakias
Trajner: Françesko Moriero
© Panorama.al
