Shtetet e Bashkuara kanë sekuestruar një tjetër cisternë nafte të lidhur me Venezuelën, thanë zyrtarët amerikanë për Reuters, përpara një takimi midis Presidentit Donald Trump dhe udhëheqëses së opozitës Maria Corina Machado.
Ishte anija e gjashtë që Shtetet e Bashkuara kanë synuar në javët e fundit për transportimin e naftës venezueliane, tani ose në të kaluarën. Zyrtarët, të cilët kërkuan të mos identifikoheshin, thanë se sekuestrimi u bë në Karaibe.
Komanda Jugore e SHBA-së konfirmoi operacionin, i cili u zhvillua para agimit, duke thënë se forcat amerikane e kapën tankerin motorik Veronica “pa incidente”.
Sipas deklaratës, anija po kryente një mision për të anashkaluar një bllokadë të urdhëruar nga Presidenti Trump, mbi anijet që i nënshtroheshin sanksioneve.
“E vetmja naftë që do të largohet nga Venezuela është ajo (eksporti) i së cilës koordinohet siç duhet dhe ligjërisht”, shtoi ai.
Anijet e sekuestruara deri më tani kanë qenë ato që janë sanksionuar nga Uashingtoni ose i përkisnin “flotës në hije” që fsheh origjinën e saj për të transportuar naftë nga vende të tilla si Irani, Rusia ose Venezuela.
Through #OpSouthernSpear, the Department of War is unwavering in its mission to crush illicit activity in the Western Hemisphere in partnership with @USCG through @DHSgov and @TheJusticeDept.
In another pre-dawn action, Marines and Sailors from Joint Task Force Southern Spear,… pic.twitter.com/brxO9xXUu3
— U.S. Southern Command (@Southcom) January 15, 2026
Javën e kaluar, SHBA-të sekuestruan një anije cisternë me flamur rus, pas një ndjekjeje dyjavore në Atlantik.
Trump pritet të takohet me Machadon sot, për herë të parë që nga përmbysja dhe arrestimi i Presidentit Venezuelian Nicolas Maduro.
Ai më parë e ka quajtur atë një “luftëtare të lirisë”, por ka hedhur poshtë idenë e marrjes së udhëheqjes së Venezuelës, duke argumentuar se asaj i mungon mbështetja e gjerë brenda vendit.
Një raport i klasifikuar i CIA-s i paraqitur Trump arriti në përfundimin se mbështetësit e Maduros, përfshirë Presidenten e përkohshme Delcy Rodriguez, janë në një pozicion më të mirë për të ruajtur stabilitetin në vend.
© Panorama.al
