Atalanta ka siguruar një kualifikim historik në Ligën e Kampioneve, duke përmbysur në ndeshjen e kthimit të play-off suksesin 2-0 të Borusia Dortmund të një jave më parë.
Italianët kishin një marsh tjetër në takimin e sotëm, duke sulmuar që në start e duke hapur gjithçka që në pjesën e parë, me dy gola të Skamaka e Zapakosta, ndërsa humbën edhe raste të tjera. Pjesa e dytë ishte më e ekuilibruar, por me Atalantën që kërkoi golin dhe e gjeti me anë të Pashaliç.
Më pas, skuadra italiane u tërhoq disi dhe aktivizimi i Adejemit i dha zemër gjermanëve, të cilët rihapën kualifikimin falë golit të këtij të fundit. Por sfida që po u drejtohej shtesave, u mbyll me dramë pas një ndërhyrje horror të Bensebaini, i cili goditi me shkelm në kokë Krstoviç në minutën e fundit shtesë të takimit, duke shkaktuar penallti. Samaraxhiç nuk gaboi nga pika e bardhë, duke i dhënë suksesin ekipit të tij me shifrat 4-1, që mjaftuan për të siguruar kalimin në turin tjetër të Ligës së Kampioneve.
ATALANTA-BORUSIA DORTMUND 4-1
6′ Skamaka, 45’+1′ Zapakosta, 57′ Pashaliç, 90’+8′ Samarxhiç / 76′ Adejemi
Goli i Samarxhiç (VIDEO)
Penalltia e dhënë për Atalantën (VIDEO) (VIDEO)
Goli i Adejemi (VIDEO)
Goli i Pashaliç (VIDEO)
Goli i Zapakosta (VIDEO)
Goli i Skamaka (VIDEO)
FORMACIONET ZYRTARE
PANORAMASPORT.AL
© Panorama.al
