Një ngjarje tragjike ndodhi dje në lagjen Canoga Park të Luginës San Fernando, në Los Angeles të SHBA-ve, kur një baba qëlloi dhe vrau dy djemtë e tij binjakë 10-vjeçarë, ndërsa më pas i mori jetën vetes.
Sipas medias amerikane, policia u thirr në vendin e ngjarjes rreth orës 19:15 të mbrëmjes, ku gjeti të afërm të tronditur jashtë një shtëpie.
Incidenti dyshohet se ndodhi gjatë një mbledhjeje familjare, kur papritmas nëna e fëmijëve dëgjoi dy të shtëna me armë. Kur vrapoi në një dhomë gjumi për të parë se çfarë po ndodhte, u tha ajo autoriteteve, babai i djemve i drejtoi një armë.
Nëna nuk u lëndua nga të shtënat me armë. Disa sekonda më vonë, burri e ktheu armën nga vetja dhe vrau veten.
Burri dhe dy djemtë e tij binjakë u shpallën të vdekur në vendngjarje nga personeli mjekësor që nxitoi në vendngjarje. Motivet dhe rrethanat mbeten enigmë ende.
“Është vërtet e trishtueshme. Dy fëmijë të vegjël dhe një baba. Kjo është një familje. Askush nuk e meriton këtë”, tha një dëshmitar okular për ABC7.
Policia ende nuk ka publikuar detaje të mëtejshme ose nuk ka konfirmuar rrethanat e incidentit tragjik.
© Panorama.al
