Për dy vite me radhë, gjatë luftës në Gaza, të gjitha festimet publike të Krishtlindjes në Betlehem, në Bregun Perëndimor të pushtuar, ishin anuluar.
Megjithatë, pas armëpushimit të fundit, qyteti vendosi që festimet të rikthehen këtë vit, me simbolin më domethënës, ndezjen e pemës së Krishtlindjes përballë kishës historike të Lindjes, raportoi BBC.
“Ishin dy vite të vështira heshtjeje. Pa Krishtlindje, pa punë, pa aktivitet,” tha kryetari i Bashkisë së Betlehemit, Maher Kanawati.
Kryebashkiaku pranoi se vendimi për rikthimin e festimeve nuk ishte pa polemika.
“Disa mund të thonë se nuk është e drejtë, të tjerë se është. Por thellë në zemrën time besoj se ishte gjëja e duhur. Krishtlindjet nuk duhet të ndalen kurrë. Ato janë drita e shpresës për ne”, tha ai.
Banorët, si të krishterë, ashtu edhe myslimanë, pozonin për fotografi para pemës së Krishtlindjes, e zbukuruar me topa të kuq e të artë.
© Panorama.al🇵🇸🎄WATCH: The Bethlehem Municipality, for the first time in two years since the start of the war, lights up its Christmas tree in Manger Square. pic.twitter.com/2GLaq2md97
— Roya News English (@RoyaNewsEnglish) December 6, 2025
