Nëse mendoni se është shumë herët për të nisur pushimet tuaja, jeni gabim. Nëse u hidhni një sy rrjeteve sociale, do të shihni që të njohur e të panjohur kanë nisur tashmë sezonin e pushimeve.
Megjithatë, si çdo javë ne kemi dëshirë që të ndalojmë tek të famshmit. Është pikërisht ai momenti, që kudo që sheh ndonjë VIP, është gjithmonë me bikini. Dhe pozat sensuale nga bregdeti, nuk na i kursejnë aspak.
EGLI TAKO
Qëkur doli nga “Big Brother” Egli Tako ka vendosur që ta mbajë jetën private sa më diskrete. Në rrjet është aluduar shpeshherë për një lidhje të sajën, por ajo kurrë nuk ka konfirmuar asnjë fakt të ri. Duket se kështu do të vijojë edhe këtë verë, ku prezantuesja pak do të zbulojë për jetën sentimentale.
E teksa duket se vera për të do të jetë e gjatë dhe e nxehtë, Egli ka ndarë me ndjekësit pamje nga fundjava e saj në jug. Në top formë dhe pa shoqërues me vete, Egli ka treguar se kjo verë do të jetë një moment i mirë për të ngritur temperaturat herë pas here në rrjetet sociale.
EVA MURATI
Dihet që destinacioni i preferuar për pushime i Eva Muratit është Italia dhe konkretisht Sardenja. Prej disa kohësh moderatorja është në një lidhje me një biznesmen italian, çfarë e ka afruar edhe më shumë me shtetin fqinj.
Vera ka nisur edhe për të, ndonëse ka një periudhë të ngarkuar për shkak të Botërorit që po mbahet këtë verë. Megjithatë, Eva jo vetëm që ka gjetur kohë të pushojë, por ka gjetur kohë që të publikojë edhe disa foto shpërthyese në rrjet.
Ajo që na bëri përshtypje është fakti se Eva ka zbuluar se gjendej me mikeshat në këto pushime dhe nuk ka asnjë gjurmë nga partneri i saj.
FRANÇESKA MURATI
Françeska po jeton ditë të arta. Pas lidhjes së re që ka nisur, ajo duket se po shijon jetën në çdo detaj. Vetëm pak ditë më parë ajo mbajti edhe një festë për ditëlindjen e saj, ku ra në sy luksi i madh i këtij organizimi.
Madje vetë ish-banorja e “Big Brother” u pa edhe duke shpërndarë para për të ftuarit e saj. E pas kësaj feste, pak ditë relaksi janë mëse të merituara. Në rrjet ajo ka publikuar foto ku shfaqet buzë një pishine.
Nuk dihet nëse në këto ditë ajo shoqërohet nga i dashuri i saj i ri, apo nga familja, por ajo që dimë me siguri është fakti se Françi di sesi ta shijojë jetën.
REZARTA SHKURTA
Prej disa kohësh ka treguar se muzika është dytësore tashmë për të. Edhe pse vetëm pak ditë më parë, ajo lançoi versionin e saj remix të këngës së saj. E nëse muzika për të tashmë është një pasion, angazhimet mes punës në biznes, dhe pushimeve janë kryefjala e ditëve të verës.
Ndonëse preferon që të jetë disi e tërhequr nga rrjetet sociale, Rezarta sigurohet që sa herë që poston, të jetë bombastike.
Gjatë pushimeve të saj, këngëtarja ka publikuar një foto me bikini, ku duhet thënë pak vend i ka lënë imagjinatës. Me pamje provokuese dhe plot sharm, artistja na ka treguar se vijon të mbetet ndër femrat më sensuale në vendin tonë.
MONIKA LUBONJA
Pushimet kanë nisur edhe për Monika Lubonjën. U bë shumë kohë që aktoren e shohim gjithnjë vetëm, edhe pse ashtu si vetë ajo është shprehur, është në kërkim të një burri. E teksa fati ende nuk ka trokitur në derën e saj, ajo vijon ta shijojë jetën.
Këtë herë, Monika na ka ‘qerasur’ me disa shkrepje nga pushimet e saj. E hipur mbi një varkë dhe në dukje tejet e relaksuar, ajo ka publikuar foto nga pushimet e saj. Nuk e dimë se kush është me të në këto ditë buzë detit, por ajo që dimë me siguri është fakti se aktorja ende është single dhe asnjë dashuri e re nuk ka mbërritur ende.
