Tensione ditën e sotme përreth godinës së Kuvendit mes protestuesve dhe Policisë, pasi revolta iu drejtua deputetëve, disa prej të cilëve u goditën me vezë dhe miell.
Një prej episodeve u regjistrua në një prej zonave që përdoret nga ligjvënësit për të hyrë dhe dalë në Parlament.
Bëhet fjalë për qendrën “Toptani”, ku shumë deputetë e përdorin për parkimin e mjeteve të tyre dhe hyrje-dalje.
Pikërisht në një moment protestuesit kanë rrethuar edhe hyrjen e qendrës për të pritur deputetët dhe përballur me ta. Por Policia ka ndërhyrë menjëherë duke u bërë bllokadë dhe përplasur me ta, teksa janë krijuar edhe momente tensioni.
Nuk kanë munguar edhe hedhja e vezëve, shisheve të ujit dhe miellit drejt deputetëve.
© Panorama.al
