Gjykata e Tiranës ka liruar nga qelia 15 protestuesit e arrestuar gjatë protestës kombëtare të opozitës, të mbajtur pasditen e së dielës, 22 mars. Mësohet se gjykata ka vendosur për ta masën e detyrimit të paraqitjes.
Pas protestës, në total e shoqëruan 23 persona, 4 prej të cilëve të mitur. Pas verifikimeve ata u liruan, ndërsa 15 të tjerë u arrestuan.
Protesta u shoqërua me hedhje molotovësh dhe fishekzjarre në drejtim të Kryeministrisë, godinës së PS-së dhe institucioneve të tjera.
Policia i arrestoi me akuzën se kanë hedhur lëndë djegëse drejt institucioneve. Gjatë protestës, 6 policë mbetën të plagosur.
Po ashtu u procedua edhe deputeti demokrat, Klevis Balliu me akuzën “Organizimi dhe pjesëmarrja në grumbullime e manifestime të paligjshme” dhe “Shtyrja e të miturit më krim”.
© Panorama.al
