Ambasadorët e 27 vendeve të Bashkimit Evropian do të mblidhen sot në një takim emergjent, pasi presidenti i Shteteve të Bashkuara, Donald Trump, ka premtuar një valë tarifash gjithnjë e më të ashpra ndaj aleatëve evropianë, ndërsa SHBA-së t’i lejohet të blejë Groenlandën.
Lajmi raportohet nga agjencia Reuters, e cila sqaron se Qiproja, që mban presidencën e radhës gjashtëmujore të BE-së, njoftoi mbrëmjen e djeshme se ka thirrur mbledhjen për sot.
Sipas diplomatëve evropianë, takimi pritet të nisë në orën 17:00.
Kujtojmë që Presidenti i SHBA-së, Donald Trump, ka paralajmëruar tarifa të reja ndaj tetë aleatëve që kundërshtojnë propozimin e tij për marrjen e Groenlandës.
Trump njoftoi se një tarifë prej 10% do te vendoset për mallrat nga Danimarka, Norvegjia, Suedia, Franca, Gjermania, Mbretëria e Bashkuar, Holanda e Finlanda dhe do të hynte në fuqi më 1 shkurt, por më vonë mund të rritet në 25%.
© Panorama.al
