Italia jugore është goditur sot nga një tërmet i fortë që shkaktoi panik tek banorët.
Lëkundjet sizmike me magnitudë 4.5 ballë të shkallës Rihter u ndjenë në rajonin e Katanias, në Siçili, në orën 07:05 të mëngjesit sipas kohës lokale (4 mars).
Sipas një vlerësimi nga Instituti Gjeofizik Italian, thellësia fokale është 3.8 kilometra.
Përveç Katanias – ku shumë banorë dolën në rrugë, dridhja u ndje në zonën më të gjerë të vullkanit Etna, si dhe në qytetet e Mesinës (Messina) dhe Sirakuzës.
Deri më tani nuk ka raportime për të lënduar apo dëme të rënda materiale.
