Barcelona ka fituar mbrëmë me shumë vështirësi, në fushën e vet ndaj Betis Sevilje. U duk sikur ky takim nuk do kishte shumë histori, pasi që në minutën e 10-të Ksavi kaloi Barçën në avantazh. Madje dy minuta më vonë ishte Lionel Mesi që dyfishoi. Më pas, miqtë nga Sevilja shkurtuan diferencën në minutën e 31-të me anë të Martin. Në pjesën e dytë erdhi goli i barazimit të përkohshëm me anë të Kruz. Por ndërsa Barcelona shtoi sulmet, në minutën e 75-të Sançez shënoi edhe golin e avantazhit. Duhet thënë se nga minuta e 70-të Betis luajti me 10 lojtarë, për shkak të daljes me karton të kuq të një lojtari. Në takimet e tjera të luajtura ditën e djeshme në kampionatin spanjoll, ra në sy fitorja e bukur 3-0 e Atletiko Madrid ndaj Vilarealit. Është sërish Falkao ai që shënon dy gola, ndërsa të tretin e realizoi Diego. Sakaq, humbje në fushën e vet sigloi Osasuna, e cila iu dorëzua 0-2 Santanderit, ndërsa Atletik Bilbao fitoi 3-0 ndaj Levantes. Një trepikësh të rëndësishëm për mbijetesën mori dje edhe Sporting Gijon 2-1 ndaj Malagas.
Opinion
Shqipëria që kemi humbur!
MARKO CAKA
Për dëshmorin e atdheut, Vladimir Ismailukaj
BILBIL MEMAJ
Shqipëria në kërkim të liderit
EVARIST BEQIRI
© Kjo faqe kontrollohet dhe menaxhohet nga Gazeta Panorama. Të gjitha materialet në të, përfshirë fotografitë, janë të mbrojtura me copyright të Panorames. Materialet në këtë faqe nuk mund të përdoren për qëllime komerciale. Ndalohet kopjimi, riprodhimi dhe publikimi i paautorizuar në çfarëdo mënyre, pa lejen paraprake të Panorama-s. Shfrytëzimi i materialeve pa lejen e Grupit Panorama është shkelje e te drejtave të autorit dhe të pronës intelektuale sipas dispozitave ligjore në fuqi. Të gjithë shkelësit e këtyre të drejtave do të ballafaqohen me ligjin. Të gjitha të drejtat Gazeta Panorama