Një nga arsyet pse Botërori i zgjeruar kritikohet hapur, është sepse në shumicën e rasteve kanë skuadrat europiane që dominojnë fazën në grupe dhe kalojnë në atë më eliminim direkt dhe shumë ekipe nga kontinente të tjera e kanë të vështirë të mbajnë hapin e tyre. Por starti i Botërorit 2026 po tregon një përgjumje thuajse totale të skuadrave të kontinentit tonë.
Rezulton se në 10 ndeshjet e para të luajtura nga përfaqësueset europiane, vetëm 3 kanë përfunduar me fitoret e tyre, 5 janë mbyllur në barazim dhe 2 me humbje.
Starti ishte dramatik, pasi që në ditët e para Çekia u mund nga Koreja e Jugut dhe më pas Turqia nga Australia. Ata që rregulluan bilancin ishin fitoret e Skocisë, Gjermanisë dhe Suedisë. Ndërkohë, kishte zhgënjim nga emra të mëdhenj të kontinentit si Holanda, Spanja e Belgjika të cilët nuk mundën të fitonin përballë kundërshtarësh në letër më të dobët.
REZULTATET E EUROPIANEVE
Çeki 1-2 Kore e Jugut
Bosnjë Hercegovinë 1-1 Kanada
Zvicër 1-1 Katar
Turqi 0-2 Australi
Skoci 1-0 Haiti
Gjermani 7-1 Kuraçao
Holandë 2-2 Japoni
Suedi 5-1 Tunizi
Spanjë 0-0 Kepi i Gjelbër
Belgjikë 1-1 Egjipt
PANORAMASPORT.AL
© Panorama.al
