Pasaniku i pronave të patundshme, Donald Trump, i cili kishte njoftuar se do të garonte për Presidencën e SHBA-së dhe më pas e la garën pak muaj para zgjedhjeve paraprake, ka kthyer sërish mendje duke u shprehur se mund “të jetë i detyruar” të garojë për një palë të tretë politike. Vendimi i tij u njoftua të dielën në programin e “CBS News”, “Face The Nation”. Në një intervistë marrë në klubin e tij “Mar-a-Lago” në Palm Beach, Trump fajësoi luftën mes republikanëve kandidatë, duke theksuar se ajo po dëmton shanset e tyre për të mundur Obamën në zgjedhjet e ardhshme. Ndërsa Trump tha se si Neut Gingriç, ashtu edhe Mit Romnej janë kandidatë që mund ta mundin Obamën, ai beson se lufta mes tyre po i dobëson shanset. “Mendoj se njerëzit nuk po i pëlqejnë më as demokratët dhe as republikanët si më parë”, tha ai. “Kështu që unë besoj se “të pavarurit” mund të fitojnë e sipas një sondazhi të një muaji më parë, unë isha i përzgjedhuri numër një si kandidat i tyre”, theksoi miliarderi, duke shtuar se shumë njerëz do të donin që ai të garonte dhe… “Shpresoj të mos më duhet ta bëj këtë, por absolutisht mund ta bëj”.
Opinion
Gota e mbushur e tranzicionit shqiptar
RUDINA HAJDARI
Shqipëria që kemi humbur!
MARKO CAKA
Për dëshmorin e atdheut, Vladimir Ismailukaj
BILBIL MEMAJ
© Kjo faqe kontrollohet dhe menaxhohet nga Gazeta Panorama. Të gjitha materialet në të, përfshirë fotografitë, janë të mbrojtura me copyright të Panorames. Materialet në këtë faqe nuk mund të përdoren për qëllime komerciale. Ndalohet kopjimi, riprodhimi dhe publikimi i paautorizuar në çfarëdo mënyre, pa lejen paraprake të Panorama-s. Shfrytëzimi i materialeve pa lejen e Grupit Panorama është shkelje e te drejtave të autorit dhe të pronës intelektuale sipas dispozitave ligjore në fuqi. Të gjithë shkelësit e këtyre të drejtave do të ballafaqohen me ligjin. Të gjitha të drejtat Gazeta Panorama