Sekretari i Thesarit i SHBA-së, Scott Bessent tha se Qeveria e SHBA-së ka “mjaftueshëm para” për të financuar luftën kundër Iranit, por po kërkon fonde shtesë nga Kongresi për të siguruar që ushtria të jetë e furnizuar mirë në të ardhmen.
Duke folur për NBC News, ai gjithashtu ka përjashtuar mundësinë e rritjes së taksave për të financuar luftën.
Kërkesa e ushtrisë amerikane për 200 miliardë dollarë fonde shtesë për luftën në Iran po përballet me kundërshtim të fortë në Kongres, ku demokratët dhe madje disa republikanë po vënë në pikëpyetje nevojën për këto fonde pas alokimeve të mëdha për mbrojtjen vitin e kaluar.
Presidenti Donald Trump ende nuk ka dërguar një kërkesë zyrtare në Senat dhe në Dhomën e Përfaqësuesve për miratimin e kësaj shume dhe administrata e tij e ka bërë të qartë se shifra mund të ndryshojë.
© Panorama.al
