Hamdi Salihi ka realizuar golin e 23-të sezonal me skuadrën e Rapidit të Vjenës. Bomberi i përfaqësueses kuqezi shënoi dje përballë ish-ekipit të tij, Riedit, por nuk evitoi humbjen 2-1 të Rapidit në Kupën e Austrisë. Salihi zhbllokoi rezultatin e ndeshjes në minutën e 36-të, duke kaluar Rapidin në avantazh, por Riedi më pas arriti që të përmbyste rezultatin dhe të eliminonte Rapidin. Për 27-vjeçarin nga Shkodra ky ishte goli i 23-të. Ai ka realizuar 17 herë në kampionat, pesë herë në Kupën e Austrisë dhe një herë në Ligën e Europës. Salihi luajti gjatë gjithë ndeshjes, ndërkohë që në minutën e 85-të të takimit, hyri në fushë edhe kosovari me pasaportë austriake, Atdhe Nuhiu. “Jam i lumtur që luaj përkrah Hamdi Salihit. Ai është frymëzimi im, edhe pse ngjaj më tepër me profesorin tim këtu te Rapidi, Karsten Jankerin. Kam karakteristika të ngjashme me Jankerin dhe fakti që punoj me të më ndihmon shumë”, ka thënë Nuhiu pas ndeshjes.
Opinion
Gota e mbushur e tranzicionit shqiptar
RUDINA HAJDARI
Shqipëria që kemi humbur!
MARKO CAKA
Për dëshmorin e atdheut, Vladimir Ismailukaj
BILBIL MEMAJ
© Kjo faqe kontrollohet dhe menaxhohet nga Gazeta Panorama. Të gjitha materialet në të, përfshirë fotografitë, janë të mbrojtura me copyright të Panorames. Materialet në këtë faqe nuk mund të përdoren për qëllime komerciale. Ndalohet kopjimi, riprodhimi dhe publikimi i paautorizuar në çfarëdo mënyre, pa lejen paraprake të Panorama-s. Shfrytëzimi i materialeve pa lejen e Grupit Panorama është shkelje e te drejtave të autorit dhe të pronës intelektuale sipas dispozitave ligjore në fuqi. Të gjithë shkelësit e këtyre të drejtave do të ballafaqohen me ligjin. Të gjitha të drejtat Gazeta Panorama