Ministria e Jashtme e Rusisë njoftoi sot se do të dëbojë konsullin e përgjithshëm të Rumanisë dhe do të mbyllë konsullatën rumune në Shën Petersburg në shenjë proteste ndaj vendimit të Rumanisë për të mbyllur konsullatën ruse në qytetin e Konstancës.
Vendimi i Rusisë për të dëbuar konsullin e përgjithshëm të Rumanisë në Shën Petersburg ishte i parashikueshëm pas dëbimit të konsullit rus në qytetin e Konstancës në lidhje me rrëzimin e një droni rus në territorin rumun, njoftoi Ministria e Jashtme rumune.
Një dron rus u rrëzua në një ndërtesë apartamentesh në qytetin lindor rumun të Galatit gjatë një sulmi natën në Ukrainën fqinje në maj.
Ishte hera e parë që një zonë me popullsi të dendur në një shtet anëtar të NATO-s sulmohej duke rezultuar në të lënduar gjatë luftës së Rusisë në Ukrainë.
© Panorama.al
