Komisioni i Ankimimeve dhe Sanksioneve (KAS) ka vendosur të hapë dhe rinumërojë votat në 126 kuti votimi në Qarkun Durrës, përkatësisht në KZAZ nr. 21 dhe 22.
Vendimi erdhi pas kërkesës së dy anëtarëve të KAS-it, Elvis Cefa dhe Ledio Braho, të mbështetur edhe nga ankesat e paraqitura nga Partia Demokratike.
Sipas vendimit, do të hapen dhe rinumërohen të gjitha kutitë e votimit që përbëjnë këto dy KZAZ, si dhe votat e ardhura nga diaspora për këtë qark, me qëllim garantimin e transparencës dhe integritetit të procesit zgjedhor të 11 majit.
© Panorama.al
