Një pensionist i pranishëm në protestën e zhvilluar këtë të martë në Tiranë ka reaguar ashpër ndaj vendimit të qeverisë për financimin e koncertit të reperit Kanye West, duke e krahasuar këtë fond me nivelin e pensionit që ai përfiton.
“Edi Rama ka filluar këto xhirot e famshme në Europë dhe me fodullëkun më të madh dhe mospërfillje i jep 4 miliardë lekë një rrepisti rrjepacak atje nga fondi i emergjencave, dhe unë e kam pensionin 112 mijë lekë. Nuk i jep lekë Edi Rama atij rrepistit dhe të mos fusë lekë në xhep, ajo nuk diskutohet”, u shpreh pensionisti.
Deklarata u bë gjatë protestës së organizuar në kryeqytet, ku një pjesë e pjesëmarrësve shprehën pakënaqësinë për mënyrën se si, sipas tyre, po përdoren fondet publike për financimin e koncertit të një reperi, të cilit shumë vende europiane i kanë anuluar koncertet e tij.
© Panorama.al
