Një 49-vjeçar ka mbetur i plagosur pasditen e sotme në Shkodër, ndërsa dyshohet se ka rënë aksidentalisht nga çatia e banesës së tij.
Burime mzyrtare bënë me dije se ngjarja ka ndodhur rreth orës 14:00, kur në Spitalin Rajonal të Shkodrës është dërguar për mjekim nga familjarët K. Gj., 49 vjeç, banues në fshatin Grudë e Re.
“Nga veprimet e para hetimore dyshohet se ai ka rënë aksidentalisht nga çatia e banesës, ndërsa po punohet për sqarimin e plotë të rrethanave të ngjarjes”, tha policia vendore.
Grupi hetimor ndodhet në terren dhe vijon punën për dokumentimin e plotë të rastit.
© Panorama.al
