Marrëdhënia mes Kylie Jenner dhe Timothée Chalamet duket se po bëhet gjithnjë e më serioze, aq sa sipas burimeve pranë tyre, biznesmenja po i lë miqtë në plan të dytë për t’u përqendruar te partneri i saj.
Një burim për Radar Online ka deklaruar se të gjithë janë të lumtur që Kylie ka gjetur dashurinë dhe duket e përmbushur, por është e qartë se Timothée është bërë prioriteti i saj absolut. “Mbrëmjet e vajzave janë bërë të rralla. Kur ai është i zënë, ajo kontakton shoqet. Ka disa ankesa dhe ndjenja të lënduara,” citohet të ketë thënë burimi.
Ndërkohë, lidhja e çiftit duket se po shkon drejt një etape të re. Sipas një raporti nga US Weekly, ata kanë diskutuar mundësinë e fejesës brenda këtij viti. Madje, mediat e huaja raportojnë se çifti tashmë jeton nën të njëjtën çati.
Chalamet thuhet se është përfshirë shume edhe në jetën e fëmijëve të Kylie, Stormi 7-vjeçare dhe Air 3-vjeçar, të cilët ajo i ka nga lidhja e mëparshme me reperin Travis Scott.
Mbetet për t’u parë nëse çifti do ta zyrtarizojë së shpejti hapin e radhës në marrëdhënien e tyre, por një gjë është e sigurt: për momentin, Timothée Chalamet është në qendër të botës së Kylie Jenner.
