Pas një dite në arrati, ka rënë në prangat e Policisë së Tiranës, autori i plagosjes së 48-vjeçarit, Mikel Xibro.
Uniformat blu bëjnë me dije se në pranga ka rënë 51-vjeçari Ronald Lacej.
Ndërkohë është sekuestruar thika e dyshuar e përdorur për plagosjen. I arrestuari rezulton person me precedentë penal për vrasje dhe për vepra të tjera penale.
Ronald Lacej dyshohet se gjatë një konflikti për motive të dobëta, me 48-vjeçarin, e ka goditur atë, me thikë.
I plagosuri Mikel Xibro ndodhet në spital, në kujdesin e mjekëve, jashtë rrezikut për jetën.
Njoftimi i Policisë Tiranë
Plagosi me mjet prerës, një 48-vjeçar, gjatë një konflikti për motive të dobëta, kapet dhe vihet në pranga 51-vjeçari.
I arrestuari, me precedentë penal për vrasje dhe për vepra të tjera penale.
Sekuestrohet thika e dyshuar e përdorur për plagosjen.
Shërbimet e Komisariatit të Policisë Nr. 4, në bashkëpunim me shërbimet e Forcës së Posaçme “Shqiponja”, dje, pas marrjes së njoftimit se në Rrugën e Dibrës, një shtetas ishte plagosur me mjet prerës, kanë shkuar menjëherë në vendngjarje, me qëllim kapjen e autorit dhe zbardhjen e rrethanave të rastit.
Si rezultat i veprimeve të shpejta hetimore dhe procedurale, është identifikuar, kapur dhe vënë në pranga autori i dyshuar, shtetasi R. L., 51 vjeç.
Ky shtetas dyshohet se gjatë një konflikti për motive të dobëta, me shtetasin M. X., 48 vjeç, e ka goditur atë, me thikë. Shtetasi M. X. ndodhet në spital, në kujdesin e mjekëve, jashtë rrezikut për jetën.
Në cilësinë e provës materiale u sekuestrua thika e dyshuar e përdorur për plagosjen.
Materialet procedurale iu referuan Prokurorisë, për veprime të mëtejshme.
© Panorama.al
