Përfshihet nga zjarri një banesë në Lushnje, digjen orenditë! Zjarrfikësit ndërhyjnë për të shuar flakët

Një zjarr ka përfshirë një banesë në fshatin Krutje të sipërme në Lushnje. Ngjarja mësohet se është shënuar këtë të premte, rreth orës 12:00, ndërsa flakët kanë prekur vetëm aneksin e shtëpisë dykatëshe.

Zjarri ka djegur plotësisht orenditë shtëpiake që ndodheshin në aneks.

Dy mjete të zjarrfikësve të Lushnjes kanë ndërhyrë menjëherë dhe kanë shuar zjarrin duke mos lejuar përfshirjen e banesave të tjera përreth.

Në vendngjarje, përveç zjarrfikësve, kanë qenë dhe shërbimet e policisë së komisariatit Lushnje të cilët po punojnë për të zbardhur shkaqet e zjarrit.

Paraprakisht dyshohet se zjarri është shkaktuar nga një shkëndijë elektrike.

© Panorama.al